Haram Muhabbat

Haram Muhabbat

1. Yaqeen Kariye Jise Aapse Muhabbat Hogi Wo Kabhi Aapka Iman Kharab Nahi Karega Aur Jo Kar Raha Hai, Usko Muhabbat Hai Hi Nahi.

2. Sister's Jis Baap Ne Na Din Dekha Na Raat Na Subha Dekhi Na Shaam Na Dhoop Dekhi Na Chao'n Na Barish Dekhi Na Toofan Na Bimari Dekhi Na Tandrusti, Apne Uss Baap Ki Izzat Se Ek Na Mehram Ke Liye Mat Kheliye...

3. Apni Izzat Ko Iman Ko Kam Damo Me Mat Becho, Yeh Wo Moti Hai Jo Anmol Hain Inko Patthar Na Karo, Kisi Ke Liye Rab Ko Naraz Karoge .To Yaad Rakhiye 'Rab Ki Aazmaish Aur Pakad' Bahot Sakht Hai.

4. Allah Ke Waste Aap Sabhi Log Ye Behyai Rasam Aur Tehwaro Ko Na Manaye, Allah Se Muhabbat Karen Namaz Padhen Jo Aapko 'Duniya Aur Aakhrat' Dono Me Kaam Aayegi.

5. Kya Muhabbat Ke Liye Sirf Ek Din Hi Banaya Gaya Hai, Ek Din Iss Muhabbat Ka Izhar Karna Hai Aur Baki Saal Bhar Ladai Jhagda Karna, Ye Kahan Ki Muhabbat Hai Aur Konsi Muhabbat Hai. Muhabbat To Sirf Maa Baap Se Honi Chahiye Rab Aur Maa Baap Ki Mohabbat Jannat Me Le Jayegi Valentineday Ke Din Mohabbat Ka Izhar Karna Kya Ye Jaiz Hai ?

6. Mere Bhai Behno Apne Aap Ko Allah Ke Waste Iss Valentinesday Ki Galazat Se Bachao, Ye Chaar Din Ki Chandni Hai Uss Din Ko Yaad Karo Jab Allah Ke Samne Khade Kiye Jaoge, Kya Muh Dikhaoge Apne Allah Ko.

7. Ye Valentines Day Islam Me Haram Hai, Kya Muh Dikhaoge Hazrat Mohammad (S.A.W) Ko, Kya Iss Din Ke Liye Unhone Aansu Bahaye The ? Apni Sirat Na Bhulo Allah Ke Waste, Ham Yahan Rehne Nahi Aaye Hain Hamara Asal Ghar 'Jannat' Hai.

8. 14 February Ko Kisi Na Mehram Ko Phool Dete Wakht Qabar Ke Phool Yaad Rakhna In Shaa Allah Bahot Faida Hoga.

9. No Rose Day No Propose Day No Chocolate Day No Valentine's Day My Deen Has Not Allowed This.

10. Mulaqat-E-Mohabbat Ka Ishtiyaq Bhi Khoob Hota Hai, Bhool Kar Apne Rab Ko Insaan, Insaan Ko Phool Deta Hai, Hosh Nahi Kisi Ko Hashr Me Mulaqat-E-Khaliq Ka, Yahan Khaliq Ko Bhool Kar Insaan Ko Ehmiyat Deta Hai, Aye Kaash Samjh Me Aajaye Iss Ummat Ko Ye Baat Ye Valentine Kafiron Ka Dastoor Hota Hai, Pakeeza Mohabbat Ko Yaaro Tum Kyun Badnaam Karte Ho.

11. Suno Peyari Behno Apni Masumiyat Ko Bacha Kar Rakho Peyari Behno Valentine Day Par Ladko Ka To Kuch Nahi Jata Hai Balke Wo Har Velentine Alag Alag Ladki Ke Sath Manayenge To Tab Bhi Wo Izzatdaar Kehlayenge, Gawah To Tum Dogi Apni Masumiyat Ki Apni Izzat Apni Chadar Apna Libas Ki Apne Khalis Jazbaat Ki.

12. Na Ishq Ba Adab Raha Na Husn Me Haya Rahi Hawas Ki Dhoom Dham Hai Nagar Nagar Gali Gali, Mere Pyare Nabi Mehboob-E-Mustufa Muhammadur Rasullulah Ki Sunnat 'Nikah' Hai Ye Valentine Kafiro Ka Dastoor Hota Hai.

13. Muhabbat Tab Thik Hoti Hai Jab Allah Ki Hudud Ko Cross Na Kiya Jaye Aur Shadi Ka Irada Ho, Agar Shadi Ka Irada Na Ho To Muhabbat Ek Gunnah Ban Jati Hai, Allah Ko Naraz Karke Insan Kabhi Khush Nahi Ho Sakta. Jab Muhabbat Ki Shadi Karta Hai Insan To Har Din Valentine Day Hota Hai.

14. Ye Wo Din Hai Jab Betiya'n Janaza Nikalti Hain Apne Walid Ki Izzat Ka Apni Maa Ki Tarbiyat Ka Apne Bhai Ke Guroor Ka Jo Aapse Sacchi Muhabbat Karega Wo Aapka Hath Sare'am Thamega, Band Kamre Me Vade Karne Wale Sab Makkar Hote Hain

15. I Hate Valentinesday, Me Ye Nahi Kehta Kisi Se Peyar Mat Karo Muhabbat Insaniyat Ka Hi Naam Hai, Peyar Karna Hai To Shariyat Ke Mutabiq Nikah Ka Rasta Ikhtiyar Karein Usse Shariq-E-Hayat Banayein Aur Izzat Dein Park'on Aur Hotels Mein Nange Sar Surkh Libaso Mein Hathon Mein Gulab Liye Haiwani Jazbat Lekar Jismani Hawas Puri Karne Ko Mai Muhabbat Nahi Kehta.

16. Islam Me Muhabbat Karna Haram Nahi Par Shart Yeh Ki Jisse Muhabbat Karo Ussi Se "Nikah" Karo.

17. Niyyat "Halal" Ho To Muhabbat "Haram"  Nahi Ho Sakti.

18. Muhabbat Me Niyat "Nikah" Ki Karo Phir Dekho Tumhara Rishta Kahan Se Kahan Tak Jata Hai.

19. Jawani Me Har Mard Ko Har Aurat Achhi Hi Lagti Hai Aur Aurat Ko Har Mard Ki Muhabbat Achhi Hi Lagti Hai, Aurat Ka Bas Dekhan Hi Mard Ko Ada Lagti Hai Aur Mard ka Bas Zara Si Fiqar Karna Aurat Ki Muhabbat Itntiha Lagta Hai, Ye Umar Aisi Hi Jazbaati Hoti Hai, Aur Ham Iss Jazbati Pan Ko Muhabbat Ka Naam Dekar Aitrafe Muhabbat Kar Lete Hain Khud Ko Aur Doosro Ko Wakht Dein Kyun Ki Aisi Muhabbaton Ki Sachhai Wakht Hi Batata Hai.

20. Apne Career Pe Dheyan Dena Shuru Kardo Kyun Ki Muhabbat Se Ziyada Maa Baap Ki Khushi Zaroori Hai.

21. Insan Kisi Ke Peeche Jitna Marzi Bhaag Le Magar Kisne Kisko Kahan Kab Aur Kaise Milna Hai Ye Faisla Baharhaal Kahin Aur Hota Hai Yani Allah Ke Paas Kyun Ki Allah Jo Karta Hai Apne Bando Ke Liye Hamesha Behtar Hi Karta Hai.

22. Tumhari Muhabbat Kitni Hi Sacchi Kyun Na Ho Bina "Nikaah" Ke Haram Hai.

23. Jahaiz, Daulat Aur Khoobsurti Ki Buniyad Par Shaadi Na Karo Balke Shaadi Ke Liye Deendar Aur Nek Sirat Ladki Ka Intekhab Karo Bas Allah Ki Raza Ka Socho Aur Faisla Karlo In Shaa Allah Neki Naslo'n Tak Jayegi.

24. Nikah Me Bahut Taqat Hoti Hai Kyun Ki Isme Gawaho Se Ziyada Allah Ki Raza Hoti Hai.

25. Jismani Muhabbat To Har Koi Karta Hai Kisi Se Muhabbat Karo To Uski Rooh Se Karo Jo Paak Hoti Hai Aur Allah Ki Raza Mandi Ke Sath Karo.

26. Behtreen Nikah Wo Hai Jo Zeyada Aasaan Aur Sada (Simple) Ho 'Kharche Wala Na Ho'

27. 70% Ladke Ye Soch Kar Nikah Karte Hain Ke Jahez Me Bike Aur Car Milegi Lekin Ye Koi Nahi Sochta Ke Nikah Karne Se Unka Iman Mukmmal Hoga Unhe Aur Unke Bachho Ki Jannat Milegi.

28. Saari Halal Cheezo Me Allah Tala Ke Nazdiq Sabse Na Pasand Cheez Talaq (Divorce) Hai "Abu Dawud"

29. Mohabbat Karna Gunnah Nahi Hai Bas Khayal Rahe Jo Aapki Muhabbat Hai Wo Kisi Ki Beti Bhi  Hai Aur Har Beti Apne Maa Baap Ka Guroor Hoti Hai Apni Muhabbat Ka Rishta Nek Paak Aur Jaiz Rakhen Taki Kisi Maa Baap Ka Sar Kabhi Na Jhuke.

30. Muhabbat Haram Tab Ban Jati Hai Jab Muhabbat Ke Naam Par Na Jaiz Rishta Banaye Rakhein Aur Kisi Ladki Se Sari Had'e Par Karne Lag Jayen.

31. Nikah Se Pehle Har Anjaan Ladki Ladke Ka Rishta Na Jaiz Hai.

32. Kis Bhi Na Mehram Ladke Ka Eik Zarra Barabar Bhi Galat Kadam Kisi Na Mehram Ladki Ki Poori Zindagi Tabah Kar Sakta Hai.

33. Jaanta Hun Kuch Ladkiyan Hain Jo Paiso Ke Liye Peyar Ka Natak Karti Hain Boys Agar Aap Apne Aapko Itna Hoshiyar Samjhte Ho To Kyun Un Ladkiyo Ke Jhanse Me Aajate Ho Itni Akal To Honi Chahiye Na Aapko Ki Kon Paise Se Peyar Karta Hai Aur Kon Aapse, Apni Galat Choice Ka Blame Acchi Ladkiyo Ke Uppar Mat Dala Karo.

34. Aik Baat Hmaesha Yaad Rakhna Aap Kisi Ki Amanat Hain Aur Momin Kabhi Amanat Me Khayanat Nahi Karta, Har Wo Talluq Na Jaiz Hai Jiski Islam Me Koi Ijazat Nahi Aur Haram Talluq Kabhi Bhi Sukoon Nahi Dete.

35. Dear Boy's Please Apni Soch Ko Badlo Har Ladki Paiso Ki Lalchi Nahi Hoti Kuch Ladkiyo Ko Bas Aapka Peyar Aur Attension Chahiye Hota Hai.

36. Luxurious Bike Car Me Long Drive Par Na Bhi Le Jao Bas Ladki Yahi Chahti Hai Ke Mere Se Accha Peyar Karo Aur Mere Siwa Kisi Gair Ladki Ko Na Dekho Na Baat Karo, Ladki Isi Me Khush Ho Jati Hai Aur Wo Aapse Kisi Gift Ki Umeed Nahi Karti Hai Kyun Ki Aap Unke Liye Khud Aik Special Gift Ho Wo Aapka Peyar Yaqeen Aur Thoda Time Mangti Hai.

37. Aap Kisi Ladki Se Tabhi Peyar Karo Jab Aap Usse Nikah Ki Niyat Rakhte Ho.

38. Mohabbat Karna Gunnah Nahi Hai Lekin Kisi Se Mohabbat Ka Wada Kar Ke Tod Dena Bohat Bada Gunnah Hai.

39. Mohabbat Karte Ho To Niakah Karlo Be'naam Rishte Allah Ko Pasand Nahi Hai.

40. Nikah Se Pehle Na Mehram Ko Mehram Nahi Maan Sakte Afsoos Muslman Ho Kar Bhi Inkar Ki Wajah Poochta Hai.

41. Yeh Jo Muhabbat Hoti Hai Na Bahot Zaleel-O-Khawar Karti Hai Insan Ko Ruswa Kar Deti Hai Jante Ho Aisa Kyun Hota Hai..? Kyun Ki Allah Hame Na'Mehram Ki Muhabbat Ki Ijazat Nahi Deta Aur Jab Koi Uski Na Farmani Karta Hai To Wo Usko Zaleel Aur Ruswa Kar Deta Hai, Beshaq Nikaah Se Khubsurat Manzil Nahi Hai Kisi Bhi Sacchi Muhabbat Ki.

42. Mere Nabi (S.A.W) Ne Farmaya 'Deen Dekho , Akhlaq Dekho Aur Rishta Kardo' Agar Beta Apni Pasand Ka Izhar Karde To Usay Na Farman Na Samjho Aur Agar Beti Apni Pasand Ka Izhar Karde Ke Meri Yahan Shadi Karo To Usay Be-Qadar  Be-Haya Na Samjho